Styrmir vissi hvað hann söng

Mikið hefur verið fjallað um bresku Jómfrúreynna Tortola að undanförnu í íslenskum fjölmiðlum og skal engan undra. Ég verð þó að viðurkenna að þetta er ekki í fyrsta skipti sem ég heyri minnst á hana.

Í Staksteinum Morgunblaðsins hinn 24. nóvember 2005 stóð eftirfarandi "... Slík pólitísk tengsl geta t.d. hjálpað til við að finna skattsvikið fé, sem aftur eru rök fyrir því, að Ísland rækti pólitísk tengsl við Tortillaeyjur í Karíbahafinu en þangað liggja t.d. athyglisverðir þræðir úr íslenzku viðskiptalífi."

Við blaðamenn á viðskiptaritstjórn höfðum lent upp á kant við ritstjóra blaðsins og gáfum lítið fyrir þetta, vorum þess fullvissir að einhver hefði verið að plata kallinn enda vita allir að tortilla er ekki eyjar heldur matur. Ég man að ég sló meira að segja upp á þessu á netinu og það næsta sem komst því að heita Tortillaeyjar var Tortola-eyja. Sú eyja var ein gata með nokkrum húsum.

Síðar meir lærði ég að taka nær alltaf mark á Styrmi (fyrir utan ESB-mál). Hvað varðar skattaskjól hefðu e.t.v. fleiri betur gert það.

Skattaskjól skoðuð

Athugasemdir

[Flosi Kristjánsson, 24.2.2009 kl. 10:09]

Það má ljóst vera að upp úr fjölmiðlalögum og ákæru í Baugsmálum, hafði tekizt að draga upp þá mynd af ákveðnum hópi Sjálfstæðismanna, að þar færu öfundsjúkir menn sem þyldu ekki að horfa upp á velgengni "götuastrákanna". Þessi nafngift á "nýju athafnamönnunum" er höfð eftir Einari Má Guðmundssyni, en hann hefur á hraðbergi þá kenningu að útrásarvíkingarnir hafi ekki átt upp á pallborðið í Valhöll og því flúið í fang Samfylkingar. 

Sú fjarlægð sem menn höfðu á milli innsta kjarna Sjálfstæðisflokksins og útrásarvíkinganna leiddi kannski til þess að sumir á vinstri kantinum voru alveg til í að peppa þá upp til að "dissa íhaldið". Maður veltir því stundum fyrir sér hvers vegna menn eins og Pálmi, Hannes og Jón Ásgeir nutu ekki meiri hylli leiðtoga Sjálfstæðisflokksins. Þetta voru jú bisnessmenn og þeir hafa gjarnan fundið samsömun og samfélag í Sjálfstæðisflokknum.  

[Fair Play (IP-tala skráð) 24.2.2009 kl. 13:30]

" Þetta voru jú bisnessmenn "    Heldur betur.......

The Sunday Express 22.02.09

Baugur executive chairman Jon Asgeir Johannesson and chief executive Gunnar Sigurdsson, awarded themselves a combined £857,000 pay rise before the company collapsed earlier this month. The newspaper reported that Johannesson boosted his salary to £802,000 from £220,000, and claimed £110,000 in expenses, according to Baugur UK’s accounts for the year to December 31, 2007. Sigurdsson’s pay rose from £200,000 to £475,000.

[Drengur (IP-tala skráð) 24.2.2009 kl. 23:32]

Æi nei, ég vil frekar hafa rangt fyrir mér en að vera sammála Styrmi.