Bréfið er gullmoli en bankastjórnin þarf að segja af sér

Hver svo sem skoðun manna er á Davíð Oddssyni og þeirri ákvörðun hans að segja ekki af sér verður að viðurkennast að bréfið til Jóhönnu er algjör gullmoli, þetta er ósvikin smjörklípa.

Sem hagfræðingur er ég sammála Davíð um það að seðlabanki á að njóta sjálfstæðis frá stjórnvöldum, einfaldlega vegna þess að seðlabanki þarf oft að taka erfiðar ákvarðanir sem ekki henta populistískum stjórnmálamönnu. Hins vegar er ég einnig þeirrar skoðunar að Davíð og félagar hans í bankastjórn Seðlabankans eigi að víkja. Eigi mönnum að takast að byggja upp traust á bankanum og trúverðugleika hans er nauðsynlegt að skipta um menn í brúnni. Verkefni Seðlabankans er að halda verðbólgu í skefjum og það hefur honum fráleitt tekist og það er það eina sem skiptir máli, ekki hvaða skoðun fólk hefur á Davíð Oddssyni eða Jóni Jónssyni. Trúverðugleiki Seðlabanka Íslands er enginn, og það mun ekki breytast á meðan núverandi seðlabankastjórar sitja, gildir einu hvort þeir eru lögfræðingar eða hagfræðingar. Ingimundur Friðriksson er maður að meiri fyrir að hafa sagt af sér.

Mikið hefur verið rætt um háa stýrivexti og þvílíkt böl þeir eru fyrir íslenskt efnahagslíf en staðreyndin er engu að síður sú að bankinn hafði ekki um önnur verkfæri að ræða til þess að vinna á verðbólgunni (ég er ekki sannfærður um að hærri bindiskylda lausafjár hefði breytt neinu), aðrir þættir hafa síðan orðið til þess að stýrivextirnir hafa ekki virkað sem skyldi. Meira um það síðar.

 

Davíð segir ekki af sér

Athugasemdir

[Drengur (IP-tala skráð) 9.2.2009 kl. 00:56]

Sæll og blessaður.

Ég er ánægður að sjá að þú hefur stigið fram á ritvöllinn. Ég er spenntur fyrir framhaldinu.

Mbk,
Drengur

[Páll Geir Bjarnason, 9.2.2009 kl. 03:42]

Ef Seðlabanki á að njóta sjálfstæðis frá stjórnvöldum átti Davíð aldrei að fá vinnu þar í upphafi!

[Guðmundur Sverrir Þór, 9.2.2009 kl. 07:11]

Þar er ég sammála þér Bobbi, enda hef ég aldrei haldið því fram að hann hafi notið sjálfstæðis hingað til. Og hvað sem líður sjálfstæði þá verða Davíð og Eiríkur að víkja eigi bankinn að eiga sér viðreisnar von ... en þeir eiga ekki að víkja af því að einhverjum er illa við þá heldur af því að undir þeirra stjórn er trúverðugleiki Seðlabankans enginn.