Versti leikur Liverpool á tímabilinu!

Mér er til efs að ég hafi séð Liverpool spila jafnilla á þessu tímabili og í gær. Sóknirnar voru ekki nógu markvissar og vörnin hriplek. Sú leiftrandi knattspyrna sem liðið hefur verið að spila undanfarnar vikur var hvergi sjáanleg. Að sama skapi held ég að Andy Grey hjá ESPN hafi haft rétt fyrir sér þegar hann sagði Chelsea ekki hafa spilað jafnvel á þessu tímabili og í gær. Það versta er að hefði Drogba nýtt dauðafærin sín þá hefði hann getað skorað fjögur mörk

Leikurinn bar í mínum huga dæmigerðan keim af því að annað liðið skoraði of snemma. Liverpool var alls ekki búið að ná takti þegar markið kom og fyrir vikið náði liðið aldrei takti, menn töldu málið afgreitt. Vörnin var hins vegar alltof slök í þessum leik til þess að svo væri og því fór sem fór. 

Leikurinn á Brúnni verður afar erfiður en ljóst er að hann verður skemmtilegri en ella því Liverpool mun ekki duga að pakka í vörn.

YNWA

Frækinn sigur Chelsea á Anfield - Barcelona burstaði Bayern

Athugasemdir

[Guðmundur Sverrir Þór, 9.4.2009 kl. 20:49]

Það er hætt við því en spyrjum að leikslokum.

[Björn Jóhann Björnsson, 10.4.2009 kl. 00:02]

Mæl þú manna heilastur, líkast til sá lélegasti lengi amk. Til viðbótar því að lykilmenn náðu sér ekki á strik, eins og Gerrard og Torres(mínus markið!), þá erum við því miður með arfaslaka menn með ársmiða í byrjunarliðinu, eins og Lucas Leiva. Farinn að halda að mamma hans eigi eitthvað inni hjá Benitez, eftir að hann brá sér í skemmtiferð til Brasilíu fyrir ca 22 árum...:-) Svo var Rieira arfaslakur, og því miður virkuðu innáskiptingarnar ekki. Hvorki Dossena eða Babel gerðu neitt af viti. Því miður voru þeir bláklæddu hungraðri í sigur og svo virtist sem jafnteflismarkið hafi kveikt í þeim.

En þetta er ekkert búið maður, ertu búinn að gleyma Istanbul 2005???

[Guðmundur Sverrir Þór, 11.4.2009 kl. 10:07]

Ég er alls ekki búinn að gleyma Miklagarði og það mun án vafa efla menn að vita til þess að Terry er í banni.

Leiva var afburðaslappur og hið sama á við um hinn Brassann sem tvisvar gaf Drogba dauðafæri. Liðið sem heild virtist andlaust og það þarf að laga undir eins.