Klassísk stjórnunarmistök

Á sænska viðskiptavefnum e24.se hefur oft mátt finna allskondnar fréttir, svona smá krydd í tilveru þeirra sem telja viðskiptafréttir vera sínar ær og kýr - líkt og ég gerði um nokkurra ára skeið. Þar sem um viðskiptavef er að ræða tengjast fréttirnar yfirleitt viðskiptum á einhvern hátt, oft er tengingin frekar langsótt, og nú rétt fyrir páska birtist ein slík frétt. Frétt sem eflaust færi fyrir brjóstið á strangtrúuðum og áreiðanlega einhverjum fleiri.

Fréttin var unnin úr frétt sænska tímaritsins Chef um stjórnendahæfileika Jesú Krists og var sérstaklega einblínt á tíu helstu mistök hans sem stjórnenda. Stærstu mistökin voru að mati Chef að ráða Júdas Ísakaríot til starfa en annars var listinn á þessa leið:

1. Ráðning Júdasar

2. Hann eyddi of miklum tíma í vinnunni.

3. Engar konur voru í stjórnendateymi Krists.

4. Hann notaði of mikið af líkingamáli og var yfirleitt of myrkur í máli.

5. Hann notaði ótta of mikið sem stjórntæki.

6. Hann undirbjó starfslok sín ekki nægilega vel.

7. Hann var ekki samkvæmur sjálfum sér sem gat túlkast sem óákveðni.

8. Hann trassaði skattgreiðslur.

9. Hann lét framan ganga fjölskyldunni framar og sinnti henni ekki sem skyldi.

10. Honum láðist að móta stefnuna fyrir framtíðina áður en hann lét af störfum.

Athugasemdir

[Drengur (IP-tala skráð) 14.4.2009 kl. 16:50]

Hehe. Helvíti gott. Ertu ekkert hræddur við að grasrót kristilegra demókrata á Íslandi sjái þetta?

[Guðmundur Sverrir Þór, 15.4.2009 kl. 15:09]

Ekki mjög, myndu þeir ekki bara bjóða mér hinn vangann?